فكرت كتير قبل ما اتكالم او اقول اي حاجه
بس انا قررت اني لازم اتكالم معاكم
في موضوع جامد جدا
هو
الرغبة الجنسيه للبنت
بحس ان البنات في مصر بتقتل رغبتها
وحاسه ان ده كارثة و مصيبه فيها
ليه بقي
ليه البنت المصرية بترفض الاعتراف بانوثتها
و برغبتها
ليه حاسه ان الرغبة الجنسيه للراجل بس
و ان اي بنت عندها رغبة جنسيه بتبيقي علي طول مش محترمه
ده لغز بجد محتاج اني افهمه
لانيمش فاهمه
هي الرغبة الجنسيه في مصر للرجال فقط
ولا ايه النظام
و البنت دي مجرد مكنه لتفريغ الشهوة وبس
طب تيجي ازاي يعني
مهي برضه ليها احساس زي اي راجل
بصراحه بحس ان المجتمع هو اللي وصل البنت للمرحالة دي
مرحالة انها تكبت رغباتها وشهوتها
علشان عيب البنت تفكر في السكس
بجد نفسي اقول للمجتمع كلمه ابيحه مكونة من 3 حروف
7 comments:
عارفة, طول عمرى كنت فاكرة ان البنات ما بيمارسوش العادة السرية, و ان لو بيمارسوها فدى مش حاجة طبيعية
عايزة اكتب عن الموضوع ده بقالى فترة, بس بالاقينى بارجع فى كلامى
:) يللا هاكتبه قريب, و ابقى تعالى انصرينى
اخدت بالى من اللخبطة اللى انا عملتها, انا وجهت الكلام على انك بنت, عشان فى التدوينة مكتوب "حاسة " مش "حاسس" . بس دلوقتى استوعبت ان تأنيث الفعل مش راجع عليك و لكن على " البنت"....
بعدين كتبت " لانى مش فاهمة" , لكن فى التعليق عندى كتبت " مستنى"....لخبطة لخبطة . باعتذر ايا كان انت "انت" او "انتى" ..هيهي معلش
في البداية اعتقد لازم نعرف انت ولد ولا بنت علشام متحصلشي لخبطة والكلام ياريت توضح
ثانياً موضوعك جريء جدا وجميل في نفس الوقت ودا لانه بيطرح سؤال مهم جدا
ليه الرغبة الجنسيه للراجل بس
و ان اي بنت عندها رغبة جنسيه بتبيقي علي طول مش محترمه
اعتقد ان الرد على سؤالك في العادات والتقاليد
لان الدين يبيح الكلام في الموضوع ده
يبقى العادات والتقاليد
كل واحد مننا نشأ في بيئة على أساسها بيفكر ويتصرف ويمكن كمان يتكون كل مستقبله
لو تمردنا على البيئه دي (في حدود طبعا) وقلنا لا للتكتم في مواضيع الجنس
اعتقد الموضوع هيتحل لوحده ومن غير مشاكل
وبعدين لازم ناخد بالنا من حاجة مهمة وهيه ان الرجل الشرقي بيحب البنت الخام الي ملهاش تجارب حتى مع نفسها خصوصا في مواضيع الجنس
وبيني وبينك انا مش معترض على ده لان في الاخر كل واحد فيهم بيدي اللي عنده عن تراض ومش غصبن عنه
وفي النهاية انا شايف ان الموضوع لو هيتفتح عالبحري يبقى لازم يكون ضمن حدود معينة علشان نضمن الصون والعفاف وانت اكيد فاهمني طبعا
عمنا جاهين قال
حدودة عن جعران و عن خنفسة
اتقابلوا حبوا بعض في ساعة مسا
لا حق قالهم اختشوا .عيب حرام
ولا حد قال دي علاقة متدنسة
عجبي
مشكلة البشر انهم بيبنوا اسوار لنفسهم و بيحبسوا نفسهم فيها
مساء الخير , اولا ميرسى على تعليقك و رسالة الترحيب اللى انت بعتهالى و بالمناسبة انت اول واحد يوصلنى منه تعليق. انا شفت مدونتك وواضح انك متحرر و دى كلمة بالمناسبة مش عيب , و لكن دة انطباعى الاول و اكيد هدخل على المدونة على طول و ارجو متابعة مدونتى و متحرمنيش من نعليقاتك . رجاء اخير بلاش الصور اللى تخوف زى موضوع الاصطباحة.
دخلت هنا بالصدفة،،وأذهلتني جرأتك فيها أحييكي عليها
أشكرك عزيزتي
تقبلي خالص تحياتي
..أ...س...م...ا...ء..
Post a Comment