مش عارف بجد مجتمعنا المصري المتخالف بيعامل الست ليه علي انها مجرد شي ليس له اي قيمة ودورها الوحيد في العلاقة الجنسيه هو الاستقبال فقط
بجد مش عارف ليه التخلف العقلي دهو ايه الغباء ده ليه دايما مش بنحس ان الست ليها رغبات
و شهوة زي الراجل و ليه لما بتكشف ده بنحرمها منه و نختنها
بعملية قذرة بتحرمها من كل حقوقها في الحياة الجنسيه
علشان تبقي بس مجرد الة الراجل يعمل فيها اللي هو عايزه من غير حتي ما يعمل اي حساب ليه او لرغبتها الجنسيه
فعلا الست في مصر بقي مالهاش رغبات جنسيه
لعدة اسباب مهمه
1- محدش بيحسسها ان رغبتها دي بتحترم و حد هياخد باله منها
2- الختان بيضيعها
3- الراجل بيهتم بنفسه بس
4- مفيش توعية جنسيه و الرجاله في مصر مش بيعرفوا يعمالوا حاجه غير انه يعمل واحد وخلص علي كده وام الست اللي تحتيه دي
5- محدش بيعلم الست ازاي تمارس الجنس مع جوزها
16 comments:
عزيزى الشيطان يعظ
كلامك للاسف صحيح، وتقريبا نسبة بسيطة جدا من الرجال والنساء فاهمين الفلسفة العميقة وراء العلاقة الجنسية الصحية القائمة على الاخذ والعطاء واحترام رغبات الاخر
وللاسف اكتر الناس فاهمة ان الموضوع قائم على المادة (الجسد) متناسين ان الرغبة مصدرها العقل والعلاقة الجنسية الصحيحة هى ما يحس فيها الطرفان بالتلاحم من جميع النواحى، توحد العقل والقلب والروح واخيرا الجسد
بس ازاى ننشر الوعى ولسة فيه ناس بتموت من الضرب لو اتفرجت بالغلط على بوسة فى فيلم عربى،
هو ده السؤال
كلام سليم بس اظن بقا فى توعية
وكمان مين قال ان الرجاله مبتعرفش تعمل حاجه
احنا زى الفل :)
للأسف عنوان مدونتك حاجة واللي فيها حاجة تانية انت شايف ان علشان نكون متفتحين لازم نتعلم الجنس بالشكل الفج اللي انت بتتكلم بيه ده
عموا انا عايز اقلك ان في فرق كبير بين الحرية والانحراف وقبل برده ما نطلب الحرية الجسدية لازم نطلب الحرية الفكرية انا مش معترض على كلامك على قد ما انا معترض على اليات تنفيذ كلامك مش معقول لأنه بيطلب مننا اننا نجرب قبل الجواز يعني ندخل في علاقات غير مشروعة لحد ما نعرف طريق المتعة علشان نستمتع بعد الجواز لأن ده طبعا نظري مستحيل لأن كل راجل ليه احساس مختلف زي اي ست كمان
المواضيع دي مش مكانها بوست ولا الصور دي كمان نوع من انواع الحرية للأسف انت ما استخدمتش من الحرية غير اسمها وبعدت بشكل كامل عن مضمونها
انا حاسس ان انت فاتح البلوج ده عشان بتدور على واحدة تحسسها برغباتها
:)
المشكلة ان اسلوب كلامك نفسه تحسه كده داخل فى بعضه
انت بتكتب بسرعة قوى ليه كده ؟
بداية انا اختلف مع انا حر، لان بصراحة اهم مبادئ الحرية هو احترام الرأى الاخر مش مهاجمته بالاسلوب ده
وبتفق مع ميراج انك يا عزيزى الشيطان يعظ محتاج تكتب ببطء شوية وتزن كلماتك عشان تعرف توصل افكارك صح
يعنى مفيش مانع تكتب فى فايل ورد وتراجع مرة واتنين حتى تصقل افكارك
اما بالنسبة لان البلوج ده بيتكلم بشكل اساسى عن الجنس فده اختيار الكاتب، وبعدين اكيد مش هنضحك على نفسنا وندفن راسنا فى الرمل ونقول لا ده موضوع مش مهم وندور على حريتنا الحقيقية
لان الموضوع ده بيشغل مساحة كبيرة فى لتفكير الانسانى والى يقول غير كده يبقى كداب :)
هو بيحاول يوصل فكره معينة فى موضوع معين
واخيرا
مش لازم نجرب قبل الجواز بس ممكن جدا نقرا ونفهم من الى فاهمين ولو ان اشك ان فى حد فاهم حاجة اصلا
وانا بتفق مع ميس ايجيبتيانا
هو احنا لازم نفهم الجنس عملى يعنى
بس ممكن نتفهمه على الأقل بحيث لما نيجى نطبق بعد الزواج يكون الموضوع فى شوية من الصح
لكن المشكلة ان احنا بنورث ثقافات مصرية متخلفة عن الجنس فى الزواج
هى دى النقطة
وبعدين نسبة كبيرة جدا من حالات الطلاق بترجع لفشل فى العلاقة الزوجية
صديقي العزيز..
مازلنا في زمن الستات فيه بعد عشرة وعشرين سنة جواز مقتنعين ان لو شريك حياتهم شافهم من غير هدوم يبقوا ستات مش محترمين وان النور لازم يتطفي..
اللي حصل ان الراجل الشرقي نجح في جعل المرأة تخجل من جسدها وتعتبره عار وتخجل من احساسها وانها تعبر عنه والا تبقى منحلة ، اللي حصل تشويه نفسي فظيع..
بجد الموضوع كبير ومحتاج بدل البوست مليون بوست ، دي ثقافة كاملة المفروض والصح تتدرس في مراحل التعليم المختلفة..
وابسط حاجة بعيد عن كل العلم والثقافة وكل الكلام دا ..
لو اتنين بيحبوا بعض بجد .. وبينهم ارتباط حقيقي .. ابسط شيئ في الدنيا يتأكدوا ان من حقهم .. التعبير عن الحب.. فأولاً وأخيراً العلاقة الخاصة جداً الجميلة جداً دي .. لو مكنتش بجد مجرد وسيلة للتعبير عن الحب وحرية التعبير حق مكفول للجميع عشان نوصل لممارسة حب مش رغبة دقايق وبعدها ميفرقش خلاص ... وقتها هنبقى اتحولنا لحيوانات اي حاجة وخلاص ..
ثقافة عامة وتعليم .. نتعلم نحب ومنخفش من نفسنا ومن مشاعرنا ..
بس هل دا مناسب لزمن اصلاً مفيهوش صدق وحب حقيقي ووووو...
اقولك .. وبرضه على رأي هاني رمزي..
مفيش فاااااااااايدة
عزيزي..
ايه الموضوع الجميل ده بس...معلش اعتقد كده ان في ناس لسه بتقول على الاساسيات انه عيب نتناقش فيها مع ان الموضوع ده بيجي ضمن موضوعات حقوق المرأة و اللي هي نقاش الدنيا كلها دلوقتي.
و بصراحة مش عارفه فين بالظبط انت كتبت انه يكون في تجارب قبل الزواج عشان يكون في خبرة .
اعتقد انه الموضوع حساس نتيجة تقاليد و تعاليم متخلفة بعض الشيء... يعني هو اصلا مش عيب و لا حرام و الا بقى نقعد ندور مين اللي قال انه عيب و مين اللي قال انه حرام و نتناقش زي ما احنا عايزين.
لكن تعالى اتكلم في رغبات الرجل الجنسية اللي المرأة مابتقدرش توفيها زي ما هو عايز، هاتلاقي الملايين يقولوا لك بتنهيده اه و الله صح عندك حق اومال انا طفشان من البيت ليه عشان ما بتريحنيش .
سبحان الله في طبعهم بجد يعني لما نناقش رغبات الرجل الجنسية يبقى عادي اتكلم برااااااااحتك قول و سمعني و يقعدوا يردوا على بعض.
لكن لما نتكلم في رغبات المرأة الجنسية يبقى عيب و حرام و ازاي انك تتلكم في موضوع زي ده.
الله يعمر بيت التناقض اللي احنا في ده و بعدين نقعد نزعل و نقول هما في ناس احسن ممنا ليه هه ليه!!!!!!!!!!
طول ما في عقول في مجتماعتنا شايفه ان العيب ان المرأة يكون ليها حقوق على زوجها في العلاقة الجسدية اللي بينهم يبقى هانفضل نتكلم و تيجي العقول اياها دي تهدم اللي بنعمله.
بس المهم بقى اننا نفضل نتكلم و نعلي صوتنا كمان لان ده حق سواء رضيوا بكده او لأ
عزيزتي ميس اجيبت
احنا فعلا عندنا عجز في الفهم الجنسي مش في القدرة الجنسيه
الرفعون الحر
انا ما قولتش ان الرجالة مابتعرفش تعمل حاجه
انا قولت انهم مش بيعرفو ازاي يرضوا غير رغبتهم هما بس
الرجاله زي الفل ياعم
انت حر
اعتقد اني ماقلتتش اي شي عن الحرية الجنسيه
انا بتكالم عن علاقة الزوج و الزوجه
ليه بنفسر الكام علي مزجنا
ميراج
انا فاتح البلوج علشان
اتكالم في كلام محدش بيتكالم فيه بس
و حاصر يا سيدي هكتب بالراحه
ميس اجيبت تاني
انا فعلا مش هتكالم غير عن الجنس
و انا شايف انه موضوع مهم يستحق النقاش
عزيزيتي ناردين فعلا الراجل المصري خالي الست تخجل من جسمها
و انتظري البوست الجاي
بصي يا لوست لف
ممكن تقولي ان المدونة دي معظم تدوينتها هتكون لحقوق المراه الجنسيه
الموضوع جميل واستمر في الكتابة ويا ريت يقرأ معلقيك كلامي في المدونة بتعتي .. علشان فات اوان الكلام المستتر و الكلام الغامض .. اقرار الواقع و ايجاد حلول له هو المطلوب حالياً .. ويبدو ان شعار المرحلة القادمة هو .. حلو عنا بدنا نعيش..
Post a Comment