بجد البوست ده هيكون غريب قوي
لاني مش هتكالم فيه
كل اللي هقوله هو سؤال واحد بسأله لنفسي علي طول
السؤال ده هو ليه الراجل المصري بيتهم مراته دايما بالبرود الجنسي و بانا مش قادره تلبي رغباته الجنسيه
بالرغم من ان الست دي ممكن تكون رغباتها اكبر منه مليون مرة و ممكن تكون محتاجه تمارس معاه الجنس كل 24 ساعه في ال 24 ساعه ؟
بجد ليه السؤال ده غريب جدا .. طب هل المشكلة في الراجل ولا في الست ولا في المجتمع
ياريت نتكالم سوي كلنا في الموضوع ده ولو حد عنده اجابه وااضحه يقوله
11 comments:
انا شايفه ان شعور الرجل بامتلاك المرأه هو السبب مابتعجبوش لانها بتاعته وعايز ومقتنع ان غيرها احلى واحسن وطعم مختلف وان سوء حظه وعدم الرضا سبب تانى
والله اعلم
مين قال كده ؟
انا عن نفسى كانت كل علاقاتى مع ستات مش باردة خالص يعنى
بس ممكن موضوع البرود اللى انت بتقول عليه يرجع للختان مثلا
مش عارف
او ممكن يكون راجع لان الراجل نفسه بيبقى مهتم باستمتاعه هو وبس وبيعتبر الجنس معركة مش ممارسة للحب
الجنس هو ممارسة للحب
الراجل عندنا مش بيتعامل مع الجنس من هذا المفهوم
يعني هو داخل يثبت رجولته وخلاص
ومش فارقة معاه إن البنت اللي معاه تتبسط ولا لأ
دا كأنه بالضبط بيمارس الجنس لوحده
لاهو حاسس بيها ولا هي حاسه بي
دا طبعا غير موضوع الختان
بس أنا أعتقد إنه دلوقتي خلاص
الناس فهمت وبطلت ترتكب الجريمة دي
القدرة الجنسية بتختلف من انسان للتاني
ومفيش حاجة تقول غن الراجل قدرتة أعلي من الست
والتوافق الجنسي مطلوب
المشكلة إننا مش بنكتشف دا غير بعد الجواز
فكتير بيكون مفيش توافق جنسي
وبالتالي يقعدوا يتبادلوا الإتهامات
إنت سألت بس ومقلتش رأيك
تحياتي
ياجماعة الراجل يجاوب بقى ، عايزة اشوف البوست اللي بعده..
شيطاني العزيز ..
اعتقد أن في جبعتك من العظات ما هو أكثر بكثير ..
وصدقني الموضوع مش جنس ولا رغبة ولا برود ولا اتهامات ولا حاجة خالص ..
الموضوع كله في مشاعر واحاسيس ، الناس بتخاف تظهرها ، حتى المشاعر العادية ، الراجل عيب يعيط دا ضعف ، الراجل مينفعش يخاف من حاجة ، الست عيب تقول بحب ، يمكن احنا محتاجين نخرج احساسنا من القمقم ونسيبه يتكلم ويعبَّر ويمارس حقه ف الوجود ..
ياللا قلبتهالك فلسفة..
فين البوست اللي بعده؟
انا عن نفسي احب الشيطان البخيل في عظاته يكلمنا عن نفسه شوية ، قولنا احساسك انت ، حاجة من تجاربك من نفسك .. فضفض انت ساكت ليه؟
لانى اعتقد ان الراجل بيحاول يشبع رغباته هو بس فالمرأة مش بتحس بنفسها فبالتالى بيحسها بارده
لو نجح الآخرون في أن يمنعونا من التعبير عن ما بداخلنا..
فقد نجحوا في هزيمتنا دون شك..
كن نفسك
اكتب
عبّر عما بداخلك انت اولاً ثم انظر للمجتمع من حولك
لا تتوقف .. السكون نوع من أنواع الموت
كن أنت
فقط
سأستمر بالمرور في المدونة حتى أراك أنت..
هو شوف
المجتمع له اكبر تاثير فى الحوار ده
لاننا كشرقيين بنعتبر الجنس شبح
وبنخاف منه اكتر ما بنحتاجه
بس هقلك مهما كان مش هنقدر نتخلى عن شرقيتنا وعاداتنا بسهوله والكلام عن الجنس بصراحه زى ما بتتكلم عن اى كتاب او مجله امر غير مقبول على المستوى الاجتماعى ومساله هل الست بارده من عدمها فدى حاجه معروفه انه الراجع لكده خجل الست من التعبير عن رغبتها وده برضه راجع للمجتمع
ومش سهل انه تتغير معتقدات الناس والا هنلاقى نفسنا رايحين على سكة اذت لم تستحى فافعل ما شئت
وهتلاقى المؤمنين بفكرة حرية التعبير عن الراى هم اول المهاجمين ليها
ده راجع برضه للمجتمع
وانا مش بتهم المجتمع بالعكس الحياء مطلوب
لكن نظرة المجتمع منكرش انها ضيقه نوعا ما
وبس
اجمل شئ في البلوج هو اسمه لانى بحب الفيلم اللى بالاسم ده جدا
فيلم مش هيتعمل زيه
تحياتي
انا من وجهة نظرى ان الست ممكن تحس ببرود مع الراجل ومتبقاش عايزة تمارس الجنس معاه ودا مش لسبب فسيولوجى لكن لسبب نفسى بحت لان الراجل الشرقى عايز وقت لما يحب يمارس الجنس مع مراته فى اى وقت يكون امره مطاع ولازم طبعا هى تكون مستعدة له يعنى عايز دلوقتى يبقى دلوقتى واذا رفضت تبقى باردة .
اللى لازم اى راجل يعرفه ان الست جسم وروح وعمرها ما هتقدر تدى الراجل مشاعر حميمية اذا كانت تعبانة سواء جسديا او نفسيا يعنى متبقاش حاسة انها طول الوقت بتشتغل برة البيت وجوة البيت وعيال ومسح وكنس وغسيل وطبيخ وبعدين يجى جوزها اخر الليل يلا بقى انا عايز حقوقى ولو اعترضت او قالت له مش عايزة او مش قادرة تبقى باردة ولازم يبص لغيرها ولازم يتجوز عليها .
قبل ما يطالبها بأى حقوق لازم يشاركها ويحبها بجد ويسمعها ويعرف ايه مضايقها ويحلهولها يبقى سندها مش حمل عليها بتهرب منه ويكون حنين عليها ويساعدها ومش عيب ان الراجل يساعد مراته فى البيت وفى المسئوليات هيتعب شوية صغيرين لكن هيكسب قدام كده حبها وحرصها على سعادته فى كل شىء بمنتهى الحب مش لانها حاسة انه مضطرة وان دا الفرض اللى بتتهرب منه بأى حجة علشان تخلص .
شفت فيلم تنهيدة بتاع حرنكش؟؟
الراجل كان عنده سبعين سنة و عنده كذا عيل ومراته ماتت و مع ذلك كان بيعيش مراهقة متأخرة عشان عمره ما حس بالإشباع العاطفى
مراته كانت بتقول له (الأصيلة متحسش بيها الحصيرة) و ده اللى هى اتربت عليه
أنا بصيت بسرعة عن الإجابات اللى قبلى لقيتها كلها تقريبا بتلوم الراجل ... بس أنا شايف أن اللوم على التربية اللى بتخلى الراجل و الست يتعاملوا مع العلاقة بينهم على أنها واجب لازم يتأدى و يخلصوا منه
و أن المشاعر لازم نخبيها عشان منبقاش ضعفا و أن لو الست بتحب جوزها لازم متبينش ده عشان ميتحكمش فيها و لو الراجل بيحب مراته لازم ميبينش ده عشان ميدلعهاش زيادة عن اللزوم
وفى الآخر كل واحد له قصة لوحده :)
Post a Comment